ԲՆԱԳԻՏՈՒԹՅՈՒՆ | Աննա Հայրոյանի բլոգը

Առավոտյան Նանեն մտավ խմբասենյակ և ասաց.

-Գրիգի և Դանի համար սպիներ եմ բերել:

Արագ պայուսակից հանեց և բաժանեց ընկերներին: Արեգն էլ վազելով եկավ և Գրիգի

ձեռքից փորձեց սպիները խլել: Հետո սկսեց լաց լինել և ասաց.

-Գրիգը սպիները չի տալիս,որ խաղամ :

— Արեգ ջան, բոլորս էլ կխաղանք…

Սպիները 2-4տարեկանների ժամանակակից խաղերից մեկն է: Առաջ հոլ էինք պտտեցնում, հիմա էլ` սպիներ: Նպատակը մեկն է` պտտեցնել, մեկը արագ, մյուսը դանդաղ, հատակին, սեղանի վրա,իսկ շատերը փորձում են փչելով պտտեցնել:

Խմբում խառնաշփոթ էր, բոլորը սպիներ էին ուզում: 2 տարեկան Սառան լաց էր լինում:

Ես էլ թեյի ափսեները և բաժակները բաժանեցի երեխաներին:Սկսեցինք այն պտտեցնել: Հետո մեկ խցան վերցրեցի , սկսեցի պտտեցնել: Ա~յ, քեզ խաղ: Հրաշալի է, եթե ափսեները կամ բաժակները պտտելու ընթացքում մի քիչ վտանգավոր են, ապա խցաններն անվտանգ են: Ջա~ն, խցաններով սպիներ կպատրաստենք:

Նպատակը մեկն էր` բոլոր երեխաները պատրաստեն ինքնաշեն խաղալիք և ունենան սպիներ:

Վաղուց հավաքված խցանները դրեցինք սեղանին: Սկզբում յուրքանչյուրը վերցրեց միագույն 5 խցան: Հետո սկսեցին ուսումնասիրել:

-Խցանները փոքր են, բայց խորն են /4տ. Ավետ/

-Ես 4 հատ Կոկա-Կոլայի խցան ունեմ/ 4 տ. Դանիել/

-Իմը Հայ-Կոլային է, դեղին գույն է /4տ . Լիլիթ/

-Ես ջերմուկի խցաններ եմ հավաքել /4տ.Լիկա/

Գույն,թիվ,հաշիվ,ավելացնել,պակասեցնել, խմբավորել…խաղալուց հետո հասկացանք, որ մեկ խցանի մեջտեղը պետք է անցք բացենք, որպեսզի բարակ փայտ անցկացնենք, որ կարողանանք պտտեցնել: /Անվտանգության կանոնները պահպանելու համար փայտի ծայրերում սիլիկոն ամրացրեցի/: Ծակած խցանի շուրջ իրարից հեռու երեք խցաններ փակցրեցինք: Մեր սպիները պատրաստ էր:

Ուրախ և հաճելի խաղ, անկախ տարիքից բոլորը հավեսով խաղում էին:Հանկարծ նկատեցի ,որ Նարեկը իր սպիների մեջ կինետիկ ավազ է լցնում, ուզում է, որ իր սպիները ամենաարագը պտտվի.<<Եթե խցանները ծանր լինեն , ավելի արագ կպտտվեն>>: