Վերապատրաստում, ծրագրերի փոխանակում, ծանոթացում…
2017-2018թթ սեպտեմբերից մինչ այսօր Արևելյան-դպրոցի նախակրթարան են հաճախել 50-ից ավելի նախադպրոցական հաստատություններում աշխատող տնօրեններ, դաստիարակներ: Իմ խմբում այն տպավորությունն էր`կարծես տունդ ամեն օր հյուրեր են գալու: Իրականում, եթե տունդ մարդ է գալիս, մտածում ես` ի՞նչ հյուրասիրել, իսկ խմբում` ամեն օր ի՞նչ ծրագրեր, մեթոդներ մատուցել, որպեսզի հյուրերն էլ մասնակցելով/համը տեսնելով/ զգան և հասկանան 2-4 տարեկանների ծրագրի կարևորությունը:Վերապատրաստող դաստիարակի դերում հայտնվելը մեծ պատասխանատվություն էր պահանջում:Գիտակցաբար ինքս ինձ համոզում էի, որ ես իմ աշխատանքն եմ անում, բայց հոգեպես անհանգիստ էի: Հետո վերապատրաստվողների հետ շփվելով հասկացա, որ լավ է, որ մանկապարտեզում աշխատող մարդիկ են, նույն բնագավառից , պարզապես մեր մեթոդներն ու ծրագրերն են տարբեր: 2-5 տարեկանների կարողությունների և հմտությունների զարգացում.նպատակը մեկն է, բայց ճանապարհներն են տարբեր: Մեր ծրագրերն արահետներ ունեն` քայլել, վազել, բլբլալ, ուտել, շոշափել, բացահայտել, ստեղծագործել, տրամաբանել, մտածել, խոսել պատմել, իսկ այլ պարտեզների ճանապարհը կարճ է`նկար տեսնել, դաստիարակի խոսքը կրկնել և անգիր անել: Ինձ համար անսպասելի էր, որ խմբում ցանկացած գործունեություն վերապատրաստվողների համար նորություն էր:Բայց հետո հասկացա, որ կարիք չկա զարմանալու, որոհետև մեր ծրագիրը հեղինակային ստեղծագործական ծրագիր է: Այո’, ես իմ խմբում շատ եմ դիտարկում երեխաներին: Այդ դիտարկման շնորհիվ էլ ծնվում ծրագիրը: Լինի ձեռքի շարժում, որ կարող ես երգի,պարի ժամանակ խաղալ , թե մեկ բառ` ծիծաղկոտ կամ լացկան, որ կարող ես բնութագրել նրան, ինչու չէ կծան բառից հեքիաթ հորինել, թատրոն խաղալ: Ուրախ էի, որ բոլորը աշխատողդաստիարակներն ընկերացան իմ խմբի երեխաների հետ:Բաց ու լուսավոր խմբասենյակում կար սեր, հոգատարություն, ուշադրություն, որտեղ իրականացնում էինք կրթական ծրագրերի փոխանակում և առողջ քննարկում:
- Իսկական հարսանիքին ընդառաջ
- Հարսանեկան գաթա
- Հարսանեկան ծեսը նախակրթարանում
- Նախադպրոցական հաստատությունների աշխատողների մարմնամարզական պարապմունք մայր դպրոցում
- Նախադպրոցական հաստատություններում աշխատողների հնգօրյա վերապատրաստման ամփոփում
- Մարզերի դաստիարակների հնգօրյա վերապատրաստում. հաշվետվություն
- Քնի ծեսը նախակրթարանում
Բազմիցս լսվում էր.
-Դուք ազատ եք, այդ պատճառով էլ ժպտում եք, ուրախ եք:Ես էլ ազատ լինեի իմ աշխատանքում, էլ գլուխկոնծի կտայի, էլ կպարեի, էլ կերգեի:
Վա~յ, սեղանին հացը ավելացավ Նախաճաշ, ճաշ, հետճաշիկ: Յուրաքանչյուր երեխային մեկ կտոր հաց:Լավ է, շատ լավ է, բայց մենք չենք կարող
Ցավալի է: Հիշեցի իմ խմբի մեկ երեխայի, երբ այլ պարտեզից էր տեղափոխվել: Երեխան մեկ կտոր հացը ուտելուց հետո ուշադիր նայում էր հացին: Երբ մոտեցա նրան և ասացի, որ հաց ուտի, պատասխանեց.
-Ես իմ բաժինը կերել եմ:
Դուռը փակեց, մեր խմբում կփախչեր
3 տարեկան Գրիշան դուռը փակեց, վերապատրաստվողներից մեկը զարմացած ասաց.
-Վա~յ, մեր խմբում կփախչեր:
Փախչողները շատ են. մեկը` խմբից, մեկը` երկրից, մյուսներն էլ աշխատանքից:Պարփակված ենք, ազատ չենք, ընտրության հնարավորություն չունենք ,լավ չէ…
<<Լսել էինք ազատ, բայց այսքան շատ ազատություն չէինք պատկերացնում…տեսնել էր պետք.տեսնել
Հիմա էլ ուզում եմ խոսել<< Հայ֊— վրացական հանրակրթական կամուրջներ >>նախագծի վրացի դաստիարակների մասին:Վրացերեն չիմանալը կարծում էի խնդիր կառաջացնի`ինչպե՞ս եմ հաղորդակցվելու:Ռուսերե՞ն… Հայ վրացական հանրակրթական կամուրջներ…կրթական բարեփոխում վրացի դաստիարակների հետ
Բայց արի ու տես մեծերով ու փոքրերով միասին սովորում ենք հայերեն և վրացերեն: Բոլորս շրջանաձև նստեցինք և սկսեցինք խաղալ <<Բարևախաղ>>:Բարևեցինք թե’ վրացերեն, թե’ հայերեն: Հետո Ավետի ծնունդը նշեցինք:Վրացի դաստիարակները սկսեցին երգել Տարեդարձ է այսօր երգը:Ծափահարեցինք, շնորհավորեցինք: Արդյունքում մեկ օրում սովորեցինք վրացերեն բարև և շնորհավոր բառերը:
Հետաքրքիր է.շատ ծնողներ հարցնում են` ռուսերեն, անգլերեն սովորո՞ւմ եք… Իմ պատասխանը եղել է միշտ… Մուլտֆիլմերի միջոցով, տեսնելով,լսելով: Հիմա վստահ կարող եմ ասել, որ ցանկացած օտար լեզու սովորում են շփվելով…
Եթե 2 -5 տարեկանների խմբում հաճախեին այլ ազգի երեխաներ,լեզուների ուսուցումն առողջ զարգացման հիմքում կծնվեր:
Վերապատրաստվողներին իմ ծրագրերը սիրով մատուցել եմ… Չեմ վախենում տալուց` չէ՞ որ ամեն օր նորն է ստեղծվում:
Աննա Հայրոյանի բլոգը 