Դաստիարակների վերապատրաստում

Դիջիթեք 2018

Մարզերի դաստիարակների վերապատրաստում:

Վերապատրաստում,ծրագրի փոխանակում, ծանոթացում, ինչպես ուզում եք ընկալեք:

Վերապատրաստման 5-րդ փուլում կրթահամալիր էին հյուրընկալել մարզերի 63 դաստիարկներ, տնօրեններ, մանկավարժներ: Յուրաքանչյուր խմբում վերապատրաստվում էր 6 հոգի: Իմ խմբում այն տպավորությունն էր, կարծես տանդ ամեն օր հյուրեր են գալու: Իրականում, եթե տանդ մարդ է գալիս, մտածում ես ի՞նչ հյուրասիրես, իսկ խմբում ամեն օր ի՞նչ ծրագրեր, մեթոդներ մատուցել, որպեսզի հյուրերն էլ մասնակցելով/համը տեսնելով/ զգան և հասկանան 2-4 տարեկանների ծրագրի կարևորությունը:

Դաստիարակների հետ արագ մտերմացանք:Ամեն օր քննարկում էինք հաջորդ օրվա աշխատանքային նախագիծը: Ուրախ էի, որ բոլորը աշխատող դաստիարակներ էին, երեխաների հետ ընկերացան: Երկու շաբաթ, ժամը 9:00-14:00 ապրում էինք մեծ ընտանիքով: Ծրագիրը հետաքրքիր էր, խաղերը` նորություն Բազմիցս լսվում էր.

-Դուք ազատ եք, այդ պատճառով էլ ժպտում եք, ուրախ եք:Ես էլ ազատ լինեի իմ աշխատանքում, էլ գլուխկոնծի կտայի, էլ կպարեի, էլ կերգեի:

Հայ ֊— վրացական հանրակրթական կամուրջներ